કાલોલ: ચલાલી તાલુકા પંચાયત બેઠક ચૂંટણી પહેલાં જ બિનહરીફ થતાં સાંસદ રાજપાલસિંહ જાદવની ઉપસ્થિતિમાં વિજ્યોત્સવ મનાવ્યો
કાલોલ તાલુકા પંચાયતની ૨૪ બેઠકો પૈકી ફોર્મ ભરવાના છેલ્લા દિવસે ચલાલી તાલુકા પંચાયતની બેઠક પર ભાજપના ઉમેદવાર મિનાક્ષીબેન રાજેન્દ્રસિંહ ચૌહાણ સામે અન્ય કોઈ પક્ષ કે અપક્ષ ઉમેદવારે ફોર્મ નહીં ભરતાં ચલાલી બેઠક બિનહરીફ જાહેર થઇ છે, આમ ચલાલી બેઠક બિનહરીફ થતાં ભાજપે સ્થાનિક સ્વરાજના વિજય વિશ્વાસ અભિયાનનું ખાતું ખોલાવ્યું છે.આમ સાસંદ રાજપાલસિંહ જાદવના વતન કરોલી જીલ્લા પંચાયતની ચલાલી તાલુકા પંચાયત બેઠક બિનહરીફ થતાં ખુશીનો માહોલ જોવા મળ્યો.