મહેસાણામાં વિદ્યાર્થીઓના જીવ સાથે ચેડાં! લોડિંગ વાહનમાં 'ઘેટાં-બકરાં'ની જેમ ભરાયા વિદ્યાર્થીઓ, વીડિયો વાયરલ મહેસાણા: મહેસાણા જિલ્લામાંથી શિક્ષણ વ્યવસ્થા અને ટ્રાફિક તંત્રને શરમમાં મૂકે તેવા ચોંકાવનારા દ્રશ્યો સામે આવ્યા છે. શાળાએ જતા વિદ્યાર્થીઓને જીવના જોખમે લોડિંગ વાહનમાં 'ઘેટાં-બકરાં'ની જેમ ભરીને મુસાફરી કરાવવામાં આવી રહી હોવાનો વીડિયો સોશિયલ મીડિયા પર ભારે વાયરલ થયો છે. વાયરલ વીડિયોમાં મોટી સંખ્યામાં વિદ્યાર્થીઓને લોડિંગ વાહનમાં અસુરક્ષિત રીતે ઉભા અને બેસાડીને લઈ જવામાં આવતા જોવા મળે છે. કોઈપણ પ્રકારની સુરક્ષા વ્યવસ્થા વગર વિદ્યાર્થીઓને મુસાફરી કરાવવામાં આવતી હોવાથી ગંભીર અકસ્માત સર્જાય તો મોટી જાનહાનિ થવાની ભીતિ વ્યક્ત કરવામાં આવી રહી છે. સૌથી ચિંતાજનક બાબત એ છે કે જાહેર માર્ગો પર આવી જોખમી સવારી ખુલ્લેઆમ દોડી રહી હોવા છતાં ટ્રાફિક પોલીસ અને આરટીઓ (RTO) તંત્ર તરફથી કોઈ અસરકારક કાર્યવાહી થતી જોવા મળતી નથી. જેના ક