પંજાબના ચકચારી ‘મેડ સંધુ’ મર્ડર કેસમાં વોન્ટેડ 3 શૂટરો વાપીમાંથી ઝડપાયા: ગુજરાત ATS અને વલસાડ SOG નું સંયુક્ત ઓપરેશન પંજાબના અમૃતસરમાં થયેલા ચકચારી મધુ સુદાન સિંહ ઉર્ફે મેડ સંધુ હત્યા કેસના 3 વોન્ટેડ આરોપીઓને ગુજરાત એટીએસ (ATS) અને વલસાડ એસઓજી (SOG) ની ટીમે વાપી ખાતેથી દબોચી લીધા છે. અમૃતસરના લોરાહકા રોડ પર કાર વોશિંગ સેન્ટર નજીક 03/10/2026 ના રોજ ફાયરિંગ કરી મેડ સંધુની હ*ત્યા કરવામાં આવી હતી. પંજાબ CIA તરફથી મળેલી ગુપ્ત બાતમીના આધારે ગુજરાત ATS ના માર્ગદર્શન હેઠળ વલસાડ SOG ની ટીમે ત્વરિત કાર્યવાહી હાથ ધરી વાપીમાંથી હરસિમરનજિત સિંહ ઉર્ફે સિમુ સિંગ્ગા, ફતેહ સિંહ અને અરમાન સિંહ (તમામ રહે. તરનતારન, પંજાબ) ની અટકાયત કરી હતી. પૂછપરછમાં આરોપીઓની રેકી તેમજ હત્યામાં સીધી ભૂમિકા સ્પષ્ટ થઈ હતી. ત્યારબાદ 10/10/2026 ના રોજ ત્રણેય આરોપીઓનો કબજો પંજાબ પોલીસને સોંપવામાં આવ્યો છે. વધુ સમાચારો અને માહિતી માટે @aapnu_vapi સાથે જોડાયેલા રહો!

Vapi, Valsad | Oct 12, 2026

MORE NEWS