अकोट तालुक्यातील संत नगरी मुंडगाव येथे संत गजानन महाराज यांनी सुरू केलेल्या पौष पौर्णिमेतील यात्रोत्सवाची परंपरा कायम आहे. आज 3 जानेवारी रोजी या यात्रोत्सवाची सांगता करण्यात आली मुंडगाव येथे संत गजानन महाराज यांच्या मूळ पादुकांचे मंदिर असून या ठिकाणी भाविकांचे मोठे श्रद्धास्थान असल्याने अलोट गर्दी उसळत असते तर संत गजानन महाराजांनी या पौष्पौर्णिमेच्या तिथीवरील यात्रोत्सवाची परंपरा सुरू केल्याचे भाविकांनी सांगितले दरम्यान श्रींच्या पादुकांची नगरपरिक्रमा व दहीहंडी पार पडली व भाविकांना भव्य महाप्रसाद वितरण झाले.