जालना शहरातील प्रभाग क्रमांक 14 मधील शिवनगर परिसरात अनेक वर्षांपासून बंद अवस्थेत पडून असलेल्या डमिंग एलटी विद्युत तारा अखेर काढून टाकण्यात आल्या आहेत. रविवार दि. 22 फेब्रुवारी 2026 रोजी दुपारी 3 वाजता मिळालेल्या माहितीनुसार या कामामुळे परिसरातील नागरिकांचा संभाव्य धोका कमी झाला असून रस्त्यावरील अडथळेही दूर झाले आहेत. मागील काही वर्षांपासून या तारा रस्त्यावर व घरांजवळ लोंबकळत असल्याने नागरिकांना ये-जा करताना अडचणी निर्माण होत होत्या. विशेषतः पावसाळ्यात आणि वादळी वाऱ्यात अपघात होत होते.