बीड जिल्हा रुग्णालय येथे जागतिक कर्करोग दिन साजरा
दिनांक 4 फेब्रुवारी 2026 रोजी जागतिक कर्करोग दिनानिमित्त जिल्हा रुग्णालय, बीड येथे कर्करोग तपासणी व जनजागृती कार्यक्रमाचे आयोजन करण्यात आले. सदर कार्यक्रम मान्यवरांच्या उपस्थितीत उत्साहात पार पडला. जागतिक कर्करोग दिनाची “United by Unique” ही थीम स्पष्ट करत, प्रत्येक कर्करोग रुग्णाचा अनुभव वेगळा असला तरी प्रतिबंध, तपासणी व उपचार या बाबींमध्ये सर्वांनी एकत्र येणे अत्यंत आवश्यक असल्याचे नमूद केले. कर्करोगाचा वेळेवर शोध लागल्यास आजार नियंत्रणात ठेवता येतो, यासाठी जनजागृती व नियमित तपासणीला प्राधान्य देण्याचे त्यांनी आवाहन केले.
