વડોદરા કલાલી હત્યા કેસમાં મોટો ખુલાસો, મુખ્ય આરોપી દર્શન મારવાડી ઝડપાયો વડોદરાના કલાલી વિસ્તારમાં થયેલા ગિરીશ ભાલીયા હત્યા કેસમાં ક્રાઇમ બ્રાન્ચને મોટી સફળતા મળી છે. કેસના મુખ્ય આરોપી દર્શન મારવાડીને પોલીસે ઝડપી પાડી વધુ પૂછપરછ શરૂ કરી છે. પોલીસ તપાસમાં સામે આવ્યું છે કે આરોપી પાદરા, વાપી અને મુંબઈ સહિતના વિસ્તારોમાં ફરાર હતો. લાંબા સમયથી તેની શોધખોળ ચાલી રહી હતી, ત્યારબાદ ક્રાઇમ બ્રાન્ચે તેને કપુરાઈ વિસ્તારમાંથી ઝડપી પાડ્યો હતો. ACP અશોક રાઠવાના જણાવ્યા અનુસાર કેસમાં સંડોવાયેલા અન્ય ફરાર આરોપી કરણ મારવાડીની શોધખોળ હજુ પણ ચાલુ છે અને તેને ઝડપવા માટે વિવિધ ટીમો કાર્યરત છે. #VadodaraNews #Kalali #GirishBhaliya #MurderCase #crimebranch