जनार्दन भगत शिक्षण प्रसारक संस्थेचे सदस्य अॅड. राहुल घरत यांनी नवी दिल्ली येथे आयोजित इंडिया एआय इम्पॅक्ट समिट २०२६ ला भेट देत शिक्षण क्षेत्राच्या भविष्यासाठी अत्याधुनिक तंत्रज्ञानाचा अभ्यास केला. शाळा व महाविद्यालयांच्या सर्वांगीण प्रगतीसाठी आधुनिक तंत्रज्ञानाची माहिती घेणे आणि भविष्यातील शैक्षणिक दिशा समजून घेणे हा या भेटीमागील मुख्य उद्देश असल्याचे त्यांनी स्पष्ट केले. कृत्रिम बुद्धिमत्ता क्षेत्रातील झपाट्याने होत असलेली प्रगती आणि तिचा शिक्षण क्षेत्रावर होणारा परिणाम प्रत्यक्ष अनुभवण्याची संधी या भेटीतून मिळाल्याचे घरत यांनी सांगितले.