সংবাদ বিজ্ঞপ্তি মৰিগাঁও, ৫ জুলাই: ডাঃ শৈলেন্দ্ৰ বৰ্ধন বৰা, যুটীয়া স্বাস্থ্য সঞ্চালক (Joint DHS), মৰিগাঁওৰ নেতৃত্বত জালুগুটি টেন ষ্টাৰ ক্লাবত এক বিস্তৃত স্বাস্থ্য শিবিৰ সফলভাৱে অনুষ্ঠিত হয়। মোবাইল মেডিকেল ইউনিট, সম্পূৰ্ণ সুৰক্ষা কেন্দ্ৰ, জিলা যক্ষ্মা কেন্দ্ৰ (District TB Centre), মৰিগাঁও আৰু মৰিগাঁও জিলা সমলা মহিলা সংঘই যৌথভাৱে এই শিবিৰ আয়োজন কৰে। শিবিৰত মুঠ ৮৫ জন লোকে অংশগ্ৰহণ কৰি বিনামূলীয়া চিকিৎসা পৰামৰ্শ, ঔষধ বিতৰণ আৰু তৎক্ষণাত স্বাস্থ্য পৰীক্ষাৰ সুবিধা লাভ কৰে। পৰীক্ষাসমূহৰ ভিতৰত হাতে ধৰা ডিজিটেল বুকুৰ এক্স-ৰেৰ জৰিয়তে যক্ষ্মা (TB) স্ক্ৰীনিং, HIV, Syphilis, Hepatitis B (HBV), Hepatitis C (HCV), Random Blood Sugar (RBS), ৰক্তচাপ পৰীক্ষা আৰু আয়ুষ্মান ভাৰত নিবন্ধন অন্তৰ্ভুক্ত আছিল। শিবিৰত ৫১ জনৰ HIV, ৫৪ জনকৈ HBV, HCV, RBS আৰু ৰক্তচাপ পৰীক্ষা কৰা হয়। ৪১ জনৰ TB বুকুৰ এক্স-ৰে স্ক্ৰীনিং আৰু ৫ জনক আয়ুষ্মান ভাৰত আঁচনিৰ অধীনত নিবন্ধন কৰা হয়। পৰীক্ষাত ৪ জন পুৰুষ HCV, ১ গৰাকী মহিলা HBV আৰু ১ গৰাকী মহিলা Syphilis-ত Reactive পোৱা যায়। সংশ্লিষ্ট সকলোকে পৰৱৰ্তী নিশ্চিতকৰণ, পৰামৰ্শ আৰু চিকিৎসাৰ বাবে প্ৰেৰণ কৰা হৈছে।