दिग्रस: छत्रपती शिवाजी महाराज चौकात पाईपलाईन लिकेज; शेकडो लिटर शुद्ध पाण्याचा अपव्यय, पालिकेच्याच्या दुर्लक्षावर नागरिक संतप्त
दिग्रस शहरातील छत्रपती शिवाजी महाराज चौक परिसरात पाणीपुरवठा पाईपलाईन लिकेजमुळे शेकडो लिटर शुद्ध पाण्याचा अपव्यय होत असल्याची गंभीर बाब आज दि.१५ जानेवारी रोजी सायंकाळी ५:३० वाजताच्या दरम्यान समोर आली आहे. सध्या सुरू असलेल्या रस्त्याच्या कामादरम्यान ही पाईपलाईन फुटल्याचे समजते. या लिकेजमुळे रस्त्यावर मोठ्या प्रमाणात पाणी वाहत असून नागरिकांना ये-जा करताना अडचणींना सामोरे जावे लागत आहे. एकीकडे शहरात अनेक भागांत पाणीटंचाई जाणवत असताना, दुसरीकडे अशा प्रकारे शुद्ध पाण्याचा अपव्यय होत आहे.