ନଅ ଦଫା ଦାବି ନେଇ ରାଜ ରାସ୍ତାରେ ଓହ୍ଲାଇଛନ୍ତି ଶତାଧିକ ଆଶା କର୍ମୀ । ଦାବି ପୁରଣ କରିବା ଲାଗି ମାଲକାନଗିରି ଜିଲ୍ଲାରେ ବିଶାଳ ଶୋଭାଯାତ୍ରା କରିବା ସହ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଛନ୍ତି ଆଶାକର୍ମୀ । ଚାକିରି ସ୍ଥାୟୀ କରିବା ସହ ମାସିକ ଦରମା 7 ହଜାର ରୁ 26 ହଜାର କୁ ବୃଦ୍ଧି କରିବା । ସାମାଜିକ ସୁରକ୍ଷା ଓ ପେନ୍‌ସନ ବିମା ବ୍ୟବସ୍ଥା ଲାଗୁ କରିବା ଆଶା କର୍ମଚାରୀଙ୍କ ମୁଖ୍ୟ । ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଜିଲ୍ଲାପାଳଙ୍କୁ ଏକ ଦାବିପତ୍ର ପ୍ରଦାନ କରିଛନ୍ତି ଆଶାକର୍ମୀ । ଦୀର୍ଘଦିନ ଆଶାକର୍ମୀ ମାନେ ଦାବି କରିଆସୁଥିଲେ ହେଁ ରାଜ୍ୟ ସରକାର ଆଶାକର୍ମୀଙ୍କୁ ଦୁଇଟି କାମ କହି 64 ଟି କାମ କରାଉଥିବା ଅଭିଯୋଗ ହୋଇଛି । ଖୁବ ଶୀଘ୍ର ସମସ୍ୟାର ସମାଧାନ ନହେଲେ ଆନ୍ଦୋଳନକୁ ଆହୁରି ଜୋରଦାର କରାଯିବ ବୋଲି ଆଶାକର୍ମୀ ଚେତାବନୀ ଦେଇଛନ୍ତି ।