વલસાડમાં ડ્રોન વીડિયોના કોપીરાઇટના નામે ખંડણી અને ધમકીનો ગંભીર મામલો સામે આવ્યો છે. ફરિયાદ મુજબ, 13 જુલાઈના રોજ વલસાડ રેલવે સ્ટેશન બહાર બનાવાયેલ ડ્રોન વીડિયો આરોપી શ્રેયાંશ યાદવ દ્વારા ફરીયાદીને વેચવામાં આવ્યો હતો. બાદમાં વીડિયો સોશિયલ મીડિયા પર અપલોડ થતાં કોપીરાઇટનો દાવો કરી રૂપિયા 15 હજાર અને ત્યારબાદ રૂપિયા 10 લાખની માંગણી કરવામાં આવી હોવાનો આરોપ છે. ફરિયાદમાં વધુમાં જણાવાયું છે કે આરોપી નિકુંજ સરદારસિંહ મીનાએ સમાધાનના બહાને ફરીયાદી પર દબાણ કર્યું હતું અને માંગણી નહીં સ્વીકારવામાં આવે તો હાથ-પગ તોડી નાખવાની તેમજ ગંભીર ગુનામાં ફસાવી દેવાની ધમકી આપી હતી. આ સમગ્ર મામલે વલસાડ પોલીસે આરોપી નિકુંજ સરદારસિંહ મીના, શ્રેયાંશ યાદવ તેમજ અન્ય એક અજાણ્યા વ્યક્તિ સામે ગુનો નોંધી વધુ તપાસ શરૂ કરી છે.