👉 ବ୍ରାହ୍ମଣ ସମାଜ କଲ୍ୟାଣ ମଣ୍ଡପର ରୋଷେଇ ଘର ଭିତ୍ତିପ୍ରସ୍ତର ସ୍ଥାପନ କଲେ ବିଧାୟିକା ବର୍ଷା ସିଂ ବରିହା ପଦ୍ମପୁର: ସ୍ଥାନୀୟ ବ୍ରାହ୍ମଣ ସମାଜ କଲ୍ୟାଣ ମଣ୍ଡପ ପରିସରରେ ନୂତନ ରୋଷେଇ ଘର ନିର୍ମାଣ ପାଇଁ ଭିତ୍ତିପ୍ରସ୍ତର ସ୍ଥାପନ ହୋଇଯାଇଛି। ପଦ୍ମପୁର ବିଧାୟିକା ବର୍ଷା ସିଂ ବରିହା ମୁଖ୍ୟ ଅତିଥି ଭାବେ ଯୋଗଦେଇ ବିଧାୟକ ପାଣ୍ଠିରୁ ୯ ଲକ୍ଷ ଟଙ୍କା ବ୍ୟୟରେ ନିର୍ମାଣ ହେବାକୁ ଥିବା ରୋଷେଇ ଘରର ଭିତ୍ତିପ୍ରସ୍ତର ସ୍ଥାପନ କରିଥିଲେ। ଏଥିସହ ପାର୍କିଂ ସ୍ଥାନରେ ନିର୍ମାଣ ହୋଇଥିବା ପେଭର ବ୍ଲକ କାର୍ଯ୍ୟର ମଧ୍ୟ ବିଧାୟିକା ଉଦ୍ଘାଟନ କରିଥିଲେ। ନୂତନ ରୋଷେଇ ଘର ନିର୍ମାଣ ଦ୍ୱାରା ବ୍ରାହ୍ମଣ ସମାଜ କଲ୍ୟାଣ ମଣ୍ଡପରେ ବିଭିନ୍ନ ସାମାଜିକ ଓ ସାମୂହିକ କାର୍ଯ୍ୟକ୍ରମ ଆୟୋଜନରେ ସୁବିଧା ହେବ ବୋଲି ସମାଜ ପକ୍ଷରୁ କୁହାଯାଇଛି। କାର୍ଯ୍ୟକ୍ରମରେ ସମାଜର ସଭାପତି ଜୟ ନାରାୟଣ ତ୍ରିପାଠୀ, ସମ୍ପାଦକ ସଦାନନ୍ଦ ପୁରୋହିତ, ରାମଚନ୍ଦ୍ର ତ୍ରିପାଠୀ, ପର୍ଶୁରାମ ବାହିନୀ ସଭାପତି ପାର୍ଥ ସାରଥୀ ମହାପାତ୍ର, ବୁଲୁ ପାଣିଗ୍ରାହୀ, ସୁରେଶ ମିଶ୍ର, ଉମେଶ ଦାଶ, ଅକାଶ ପଣ୍ଡା, ଭରତ ପଣ୍ଡା, ବିକାଶ ପଣ୍ଡା, କାର୍ତ୍ତିକେୟ ଦାଶ, ଚନ୍ଦ୍ର ଶେଖର ପୁରୋହିତ ଓ ପ୍ରମୋଦ ମିଶ୍ରଙ୍କ ସମେତ ସମାଜର ବହୁ ସଦସ୍ୟ ଉପସ୍ଥିତ ଥିଲେ।

Bargarh, Bargarh (Baragarh) | Sep 14, 2026

MORE NEWS