ઉમરગામ તાલુકાના સંજાણ ગામે જન્મેલા અને હાલ ઘીમસા કાંકરિયા ખાતે વસવાટ કરતા એક સામાન્ય પરિવારના દીકરા રોહન હીરાલાલ ગુપ્તાએ પોતાની સખત મહેનત અને દ્રઢ સંકલ્પના જોરે ભારતીય સેનામાં સ્થાન મેળવી સમગ્ર પંથકનું ગૌરવ વધાર્યું છે. રોહને પોતાના અભ્યાસકાળ દરમિયાન જ એનસીસી (NCC) માં જોડાઈને દેશસેવાના પાઠ ભણ્યા હતા. તેણે સુરત સેન્ટર ખાતે લેવાયેલી આર્મીની કોમ્પ્યુટર આધારિત લેખિત પરીક્ષા ખૂબ જ સારા ગુણ સાથે પાસ કરી હતી, અને ત્યારબાદ હિંમતનગર સેન્ટર પર યોજાયેલી સેનાની સૌથી કપરી શારીરિક કસોટી (ફિઝિકલ ટેસ્ટ) પણ સફળતાપૂર્વક પૂર્ણ કરી હતી. બંને કસોટીઓ પાસ કર્યા બાદ રોહનની ભારતીય આર્મીમાં પસંદગી કરવામાં આવી હતી. તેણે સેના માટેની અનિવાર્ય એવી 6 માસની આકરી ટ્રેનિંગ નાસિક ખાતે આવેલા આર્ટિલરી સેન્ટર પર આજે સફળતાપૂર્વક પૂર્ણ કરી લીધી છે. આ તાલીમ પૂર્ણ થયા બાદ હવે ટૂંક જ સમયમાં તેઓ રાજસ્થાનના અલવર ખાતે દેશની સરહદોની રક્ષા માટે પોતાની પ્રથમ ફરજ પર જોડાશે. એક નાનકડા ગામના યુવાને સેનામાં જોડાઈને દેશસેવાનું પરાક્રમ દાખવતા સમગ્ર ઉમરગામ તાલુકા સહિત સ્થાનિક રહીશોમાં ભારે ગર્વ અને આનંદની લાગણી વ્યાપી ગઈ છે. વધુ સમાચારો અને માહિતી માટે @aapnu_vapi સાથે જોડાયેલા રહો!