ઉમરગામના ચિત્રકૂટમાં પાણીના વિવાદમાં બે પક્ષ વચ્ચે હિંસક મારામારી, થાર કારમાં આવેલા અજાણ્યા શખ્સો સામે તપાસની માંગ. ઉમરગામ તાલુકાના ચિત્રકૂટ વિસ્તારમાં પાણીના સપ્લાયના મુદ્દે બે પક્ષો વચ્ચે ઉગ્ર મારામારી થઈ હોવાની સનસનાટીભરી ઘટના સામે આવી છે. આ સમગ્ર ઘટનાના લાઈવ સીસીટીવી (CCTV) દ્રશ્યો પણ સામે આવ્યા છે, જે હાલ સોશિયલ મીડિયા પર ભારે ચર્ચાનો વિષય બન્યા છે. ઘટનાની વિગત મુજબ, ચિત્રકૂટ વિસ્તારમાં આવેલ એક કાચા પ્લોટમાંથી માલિક દ્વારા બોરિંગનો પાઈપ લંબાવીને ત્યાંથી થોડે દૂર આવેલા એક મિનરલ વોટર સપ્લાયરને પાણીનો સપ્લાય આપવામાં આવ્યો હતો. જોકે, હાલના સમયમાં સમગ્ર વિસ્તારમાં પાણીની ભારે અછત હોવાના કારણે સ્થાનિક રહીશોએ વ્યાપક વિરોધ કર્યો હતો. આ વિરોધ બાદ અચાનક નંબર વગરની એક થાર (Thar) કાર તેમજ અન્ય ગાડીઓમાં કેટલાક અજાણ્યા ઈસમો ત્યાં ધસી આવ્યા હતા અને સ્થાનિક લોકોને બેફામ ગાળો આપી હુમલો કરવાનો પ્રયાસ કર્યો હતો. જોકે, અજાણ્યા તત્વોની દાદાગી