#କୃତିତ୍ୱ_ଅର୍ଜନ_କରିଥିବା_ଛାତ୍ରଛାତ୍ରୀମାନଙ୍କୁ_ସମ୍ବର୍ଦ୍ଧନା ଯାଜପୁର ଗୌତମ ବୁଦ୍ଧ ସଂସ୍କୃତି ଭବନ ପରିସରରେ ବର୍ଷ ଯୁକ୍ତ ଦୁଇ ବିଜ୍ଞାନ ଓ କଳା ପରୀକ୍ଷା ରେ କୃତିତ୍ୱ ଅର୍ଜନ କରିଥିବା ଛାତ୍ରଛାତ୍ରୀମାନଙ୍କୁ ସମ୍ବର୍ଦ୍ଧନା ଉଦେଶ୍ୟ ରେ ଏକ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି। ସିନାପସ୍ କୋଚିଂ ସେଣ୍ଟର ପକ୍ଷରୁ ଆୟୋଜିତ ଏହି ସମ୍ବର୍ଦ୍ଧନା ସଭାରେ ମୁଖ୍ୟ ଅତିଥି ଭାବେ ଯାଜପୁର ବିଧାୟିକା ସୁଜାତା ସାହୁ ଯୋଗ ଦେଇ କୃତିତ୍ୱ ଅର୍ଜନ କରିଥିବା ଛାତ୍ରଛାତ୍ରୀମାନଙ୍କୁ ଶୁଭେଚ୍ଛା ଜଣାଇବା ସହିତ ସେମାନଙ୍କ ଆଗାମୀ ଭବିଷ୍ୟତ ଉଜ୍ଜ୍ବଳ ହେଉ ବୋଲି କାମନା କରିଥିଲେ । କୋଚିଂ ସେଣ୍ଟରର ନିର୍ଦ୍ଦେଶକ ଦୀପ୍ତି ସାଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସମ୍ବର୍ଦ୍ଧନା ସଭାରେ ଯାଜପୁର ପୌରାଧ୍ୟକ୍ଷା ରଞ୍ଜୁଲତା ହୋତା, ଉପାଧ୍ୟକ୍ଷ ସନ୍ତୋଷ କୁମାର ମଲ୍ଲିକ, ଅଧ୍ୟାପକ ସୁଭାଷ ଚନ୍ଦ୍ର ନାୟକ, ଅଧ୍ୟାପକ ଆଦିତ୍ୟ ନାରାୟଣ ମିଶ୍ର ପ୍ରମୁଖ ଅତିଥି ଭାବେ ଯୋଗ ଦେଇ ଛାତ୍ରଛାତ୍ରୀ ମାନଙ୍କୁ ଶୁଭେଛା ଜଣାଇଥିଲେ । ଚଳିତ ବର୍ଷ ଯୁକ୍ତ ଦୁଇ ବିଜ୍ଞାନ ଓ କଳା ପରୀକ୍ଷା ଫଳରେ ଯାଜପୁର ରାମେଶ୍ଵରପୁର ଅଞ୍ଚଳରେ ଥିବା ଏହି କୋଚିଂ ସେଣ୍ଟରର ଛାତ୍ରଛାତ୍ରୀମାନେ ୯୦ ପ୍ରତିଶତ ନମ୍ବର ରଖି କୃତିତ୍ଵ ଅର୍ଜନ କରିଛନ୍ତି। ସ୍ମୃତିଲିପ୍ସା ପୃଷ୍ଟି, ରଞ୍ଜିତ ସାହୁ, ସ୍ମିତା ସାହୁ, ଶୁଭ୍ରରାଣୀ ଉପାଧ୍ୟାୟ, ବିଶ୍ୱଜିତ୍ ସାହୁ, ମୋନାଲିକା ପାତ୍ର, ରଶ୍ମି ରଞ୍ଜନ ନାୟକ ପ୍ରମୁଖ ଛାତ୍ରଛାତ୍ରୀ ବିଜ୍ଞାନରେ କୃତିତ୍ବ ଅର୍ଜନ କରିଥିବା ବେଳେ ପ୍ରିୟଦର୍ଶିନୀ ପରିଡ଼ା, ପ୍ରିୟଙ୍କା ପ୍ରିୟଦର୍ଶିନୀ, ବିନୟ ଭୂଷଣ ପଣ୍ଡା ପ୍ରମୁଖ ଛାତ୍ରଛାତ୍ରୀ କଳା ପରୀକ୍ଷାରେ କୃତିତ୍ଵ ଅର୍ଜନ କରିଥିଲେ । ଏହି ସମସ୍ତ ଛାତ୍ରଛାତ୍ରୀଙ୍କୁ ଉପସ୍ଥିତ ଅତିଥି ମାନେ ପୁଷ୍ପଗୁଚ୍ଛ ଓ ଉତ୍ତରୀୟ ପ୍ରଦାନ କରି ସମ୍ବର୍ଦ୍ଧିତ କରିଥିଲେ । ଏହି କାର୍ଯ୍ୟକ୍ରମରେ ରାଜେନ୍ଦ୍ର ବାରିକ, ଶୁଭକାନ୍ତ ପାତ୍ର ପରିଚାଳନାରେ ବହୁ ଛାତ୍ରଛାତ୍ରୀ ଅବିଭାବକ ମାନେ ଯୋଗ ଦେଇଥିଲେ। #lntvnetwork #JajpurNews #jajpurkhabar #Aeiodisha