🚨 अमरावती शहर पोलिसांची उल्लेखनीय कामगिरी!
अपहरण झालेल्या ५ वर्षीय बालकाची अवघ्या २४ तासांच्या आत सुखरूप सुटका!
दि. १८ ऑक्टोबर २०२६ रोजी राजापेठ येथील ओसवाल भवन परिसरातून ५ वर्षीय बालकाचे अपहरण झाल्याची घटना घडली होती.
घटनेचे गांभीर्य लक्षात घेऊन मा. पोलीस आयुक्त श्री. राकेश ओला यांच्या मार्गदर्शनाखाली गुन्हे शाखा व राजापेठ पोलीस ठाण्याची एकूण १० पथके तपासासाठी नियुक्त करण्यात आली.
सीसीटीव्ही फुटेजचे बारकाईने विश्लेषण, तांत्रिक तपास आणि गोपनीय माहितीच्या आधारे संशयित महिलेचा शोध घेऊन तिला ताब्यात घेण्यात आले.
त्यानंतर आमगाव पोलीस, जि. गोंदिया यांच्या सहकार्याने अपहृत बालकाची २४ तासांच्या आत सुखरूप सुटका करण्यात आली. संबंधित महिलेला अटक करण्यात आली असून पुढील तपास सुरू आहे.
Amravati, Maharashtra | Oct 21, 2026
