रेल्वे आरक्षण व्यवस्थेतील बेकायदेशीर दलाली रोखण्यासाठी राबविण्यात येत असलेल्या ‘ऑपरेशन उपलब्ध’ मोहिमेअंतर्गत नांदेड विभागातील गुप्त माहिती शाखा व तपास पथक तसेच रेल्वे संरक्षण दल जालना यांनी संयुक्त कारवाई करत जालना रेल्वे स्थानकावरील आरक्षण कक्षातून एका दलालास ताब्यात घेतले. गुरुवार दि. 19 फेब्रुवारी 2026 रोजी सायंकाळी 6 वाजता रेल्वेच्या जनसंपर्क अधिकारी कार्यालयाकडून ही माहिती देण्यात आली. रेल्वेचे सहाय्यक उपनिरीक्षक अमोल वावळे, शिपाई रणजित सिंग यांच्यासह पथकाने कारवाई केली.