ওদালগুৰিৰ ভাৰপ্ৰাপ্ত আৰক্ষী বিষয়া হিচাপে চমূ কাৰ্য্যকালত ওদালগুৰিৰ সামাজিক সম্প্ৰীতি, শান্তি-শৃংখলা, জনসচেতনতা আৰু জনকল্যাণমূলক কাৰ্যসূচীত আগবঢ়োৱা উল্লেখযোগ্য অৱদানৰ স্বীকৃতিস্বৰূপে ওদালগুৰি আৰক্ষী থানাৰ OC মনোজ্জল গগৈক Udalguri LIVE ৰ তৰফৰ পৰা সম্বৰ্ধনা জনোৱা হয়। এজন কৰ্তব্যনিষ্ঠ আৰক্ষী বিষয়া হিচাপে গগৈয়ে কেৱল আইন-শৃংখলা ৰক্ষাৰ দায়িত্বই পালন কৰা নাই, বৰং জনসাধাৰণৰ সৈতে সু-সম্পৰ্ক স্থাপন, সমাজৰ বিভিন্ন সমস্যাৰ সমাধানত সক্ৰিয় সহযোগিতা আৰু সামাজিক সম্প্ৰীতি অটুট ৰখাত গুৰুত্বপূৰ্ণ ভূমিকা পালন কৰিছে। বিষয়া গৰাকীৰ সৱল নেতৃত্ব, সততা, দায়িত্ববোধ আৰু মানৱীয় দৃষ্টিভংগীয়ে ওদালগুৰিবাসীৰ মনত এক বিশেষ স্থান দখল কৰিবলৈ সক্ষম হৈছে। সমাজ আৰু জনসাধাৰণৰ স্বাৰ্থত আগবঢ়োৱা তেখেতৰ এই সেৱা সদায় স্মৰণীয় হৈ থাকিব। কালি ওদালগুৰি লাইভৰ নতুন কাৰ্য্যালয়ত বিষয়া গৰাকীক সম্বৰ্ধনা জনাই ওদালগুৰি লাইভৰ পৰিয়ালে।