जालना सहकारी साखर कारखाना बचाव कृती समितीच्या वतीने कारभारी महाराज अंभोरे यांचे सुरू असलेले आमरण उपोषण आज एकविसाव्या दिवशीही कायम असून आंदोलन अधिक तीव्र होत असल्याचे चित्र आहे. सोमवार दि. 16 फेब्रुवारी 2026 रोजी दुपारी 4 वाजता मिळालेल्या माहितीनुसार उपोषणस्थळी विविध संघटनांकडून पाठिंबा दर्शविला जात आहे. महाराष्ट्र राज्य लाल बावटा शेतमजूर युनियन, मंठा तालुका कौन्सिलच्या वतीने उपोषणास जाहीर पाठिंबा देण्यात आला. यासंदर्भात माननीय जिल्हाधिकारी यांना निवेदन सादर करण्यात आले.