वणी शहरातील विठ्ठलवाडी परिसरात किरकोळ कारणावरून झालेल्या वादाने गंभीर वळण घेतले. शेकोटीसाठी काड्या नेण्याच्या कारणावरून सुरू असलेल्या भांडणात मध्यस्थी करण्यासाठी गेलेल्या एका व्यक्तीस जातीय अपमान, धमकी व धक्काबुक्की करण्यात आल्याचा आरोप आहे. या प्रकरणी वणी पोलीस ठाण्यात अनुसूचित जाती व जमाती (अत्याचार प्रतिबंधक) अधिनियमाअंतर्गत गुन्हा दाखल करण्यात आला आहे.