মাহমৰা: নিৰ্বাচনী আচৰণবিধি বলবৎ হোৱাৰ পাছতে মৰাণহাটত SST-য়ে জব্দ কৰে ৪,৩০,৪০০ টকা
দেশজুৰি নিৰ্বাচনী আচৰণ বিধি বলবৎ হোৱাৰ পাছতে চৰাইদেউ জিলাতো তৎপৰ হৈ পৰিছে নিৰ্বাচন আয়োগ ৷ জিলাখনৰ মৰাণহাট আৰক্ষী থানাৰ অন্তৰ্গত ৰাইদঙীয়াত আজি ৰাজপথত চলোৱা তালাচী অভিযানত দুজন ব্যক্তিৰ পৰা মুঠ ৪,৩০, ৪০০ টকা জব্দ কৰে SST-য়ে ৷ মৰাণহাট আৰক্ষীৰ সহযোগত ৰাইদঙীয়াত SST-য়ে চলোৱা এই তালাচীৰ সময়ত শিৱসাগৰৰ মানস বৰদলৈ নামৰ ব্যক্তিজনৰ পৰা ১ লাখ আৰু অজয় চাহু নামৰ ব্যক্তিজনৰ পৰা ৩ লাখ ৩০ হাজাৰ ৪ শ টকা জব্দ কৰে দলটোৱে ৷ জব্দ কৰা টকাসমূহ জিলা আয়ুক্তৰ কাৰ্যালয়লৈ প্ৰেৰণ কৰিছে