काळेवाडीत गॅस टेम्पो विरुद्ध दिशेने ; चालक विनापरवाना, दुर्घटना घडल्यास जबाबदार कोण? काळेवाडी परिसरामध्ये गॅस सिलिंडरची वाहतूक करणारा एक टेम्पो अत्यंत धोकादायक पद्धतीने विरुद्ध दिशेने (राँग साईड) जात असताना वाहतूक आघाडीचे प्रदेशाध्यक्ष अजिज शेख यांनी त्याला पकडले. या टेम्पोची दुरवस्था आणि गॅस सिलिंडरची बेजबाबदार वाहतूक पाहता, येथे मोठी दुर्घटना घडण्याची शक्यता होती. "अशा गाड्यांमुळे शहरात निष्पाप नागरिकांचा जीव धोक्यात येत आहे. एखादी मोठी दुर्घटना घडल्यास याला जबाबदार कोण? काळेवाडी पोलीस आणि वाहतूक पोलिसांनी अशा बेजबाबदार गाडी मालकांवर व चालकांवर त्वरित कडक कायदेशीर कारवाई करावी. शहरात अनधिकृतपणे आणि नियमबाह्य फिरणाऱ्या अशा गाड्यांना प्रशासनाने त्वरित आळा घालावा," अशी आक्रमक मागणी अजिज शेख यांनी केली आहे. #kalewadi #pimprichinchwad #traficpolice #wrongsidedriving #pcmc