कल्याण–तळोजा ‘मेट्रो १२’ मार्गाच्या विस्तारीकरणाला नगरविकास विभागाने प्रशासकीय मंजुरी दिली असून, ‘मेट्रो १२ अ’ प्रकल्प आता कल्याण-शिळ फाटामार्गे दहिसर-मोरी ते तळोजा असा वाढविण्यात येणार आहे. या प्रकल्पासाठी तब्बल ८,४१४.५३ कोटी रुपये खर्चास मान्यता देण्यात आल्याची माहिती खासदार श्रीकांत शिंदे यांनी दिली. एमएमआरडीएकडून प्रकल्पाच्या पूर्ततेसाठी ४,८९७ कोटी रुपयांचा निधीही मंजूर करण्यात आला आहे. ‘मेट्रो १२ अ’ प्रकल्पामध्ये पनवेल तालुक्यातील किरवली गाव, रोहींजण, खुटारी स्थानके निश्चित करण्यात आली आहेत.