पिंपरी चिंचवड पोलिसांची कारवाई; काढल्या गाड्यांच्या काळ्या फिल्म्स, पोलिसांचा कडक इशारा !
#pimprichinchwadpolice #pimprichinchwadtraffic #pcmcnews #policeaction #news
शहरात वाहतूक नियमांचे उल्लंघन करणाऱ्या आणि 'व्हीआयपी संस्कृती' मिरवणाऱ्यांवर पिंपरी-चिंचवड पोलिसांनी आता थेट कारवाईचा बडगा उगारला आहे. वाहनांच्या काचांवर बेकायदेशीरपणे काळी फिल्म (Black Film) लावून फिरणाऱ्या अनेक आलिशान आणि महागड्या गाड्यांवर वाहतूक पोलिसांनी धडक कारवाई केली.
'नियम सर्वांसाठी समान' असल्याचा स्पष्ट इशारा देत, पोलिसांनी कोणत्याही दबावाला बळी न पडता अशा व्हीआयपी वाहनांचे जागीच चालान फाडले. एवढेच नव्हे, तर पोलिसांनी घटनास्थळीच या वाहनांच्या काचांवरील काळ्या फिल्म्स स्वतः काढून घेतल्या. शहरातील वाहतूक सुव्यवस्थित करण्यासाठी आणि गुन्हेगारी प्रवृत्तीला आळा घालण्यासाठी ही कठोर मोहीम आगामी काळातही अशीच सुरू राहील, असा कडक इशारा पोलीस प्रशासनाने दिला आहे.
Pune City, Pune | Sep 13, 2026
