🚨 સાબરકાંઠામાં ગાંજાના ગેરકાયદે વાવેતરનો પર્દાફાશ સાબરકાંઠા લોકલ ક્રાઇમ બ્રાન્ચ પોલીસે પોશીના વિસ્તારમાં મોટી કાર્યવાહી હાથ ધરી છે. કોટડા ગઢી ગામે કપાસના ખેતરની આડમાં કરવામાં આવતું ગેરકાયદે ગાંજાનું વાવેતર ઝડપી પાડવામાં આવ્યું છે. ચોક્કસ બાતમીના આધારે પોલીસે ખેતરમાં દરોડો પાડતા કુલ ૯૬૭ ગાંજાના છોડ મળી આવ્યા હતા. તપાસ દરમિયાન આશરે ૩૪૫ કિલોગ્રામ ગાંજાનો જથ્થો મળી આવ્યો હતો, જેની અંદાજિત કિંમત રૂ. ૧ કરોડ ૭૨ લાખથી વધુ હોવાનું સામે આવ્યું છે. પોલીસે કાર્યવાહી દરમિયાન એક આરોપીની ધરપકડ કરી છે, જ્યારે અન્ય બે આરોપીઓ ફરાર હોવાથી તેમની શોધખોળ હાથ ધરવામાં આવી છે. આ મામલે ખેરોજ પોલીસ મથકે એન.ડી.પી.એસ. કાયદા હેઠળ ગુનો નોંધી વધુ તપાસ હાથ ધરવામાં આવી છે. સમગ્ર કાર્યવાહી નશામુક્ત સાબરકાંઠા અભિયાન અંતર્ગત કરવામાં આવી હોવાનું પોલીસે જણાવ્યું છે.

Mahesana, Mahesana | Oct 2, 2026

MORE NEWS