जुनी सांगवीत दुर्घटनाः दहीहंडीचा लोखंडी कमान कोसळून ४५ वर्षीय महिलेचा दुर्दैवी मृत्यू
#pimprichinchwad #pcmcnews #oldsangvi #sangvi #dahihandi
जुनी सांगवी : पिंपरी-चिंचवडच्या जुन्या सांगवी परिसरातील 'विघ्नहर्ता मंडळा'ची दहीहंडी संपल्यानंतर, रात्री लोखंडी कमान काढण्याचे काम सुरू असताना मोठा अपघात झाला. लोखंडी सांगाड्याचा एक भाग अंगावर पडून सलमा सलाउद्दीन पठाण (४५) या महिलेचा दुर्दैवी मृत्यू झाला.
डोक्यावर लोखंडी भाग पडल्याने गंभीर जखमी झालेल्या सलमा यांना रुग्णालयात नेले असता, डॉक्टरांनी त्यांना मृत घोषित केले.
या दुर्दैवी घटनेनंतरही कुटुंबीयांनी अत्यंत संयमी भूमिका घेतली आहे.
मृत महिलेचा मुलगा याच मंडळात असल्याने, इतर तरुणांवर केस होऊन त्यांचे नुकसान होऊ नये, यासाठी कुटुंबीयांनी मंडळाविरोधात कोणतीही तक्रार देण्यास स्पष्ट नकार दिला आहे. पोलिसांनीही गुन्हा दाखल करू नये अशी विनंती त्यांनी केली असून, परिसरात मोठी हळहळ व्यक्त केली जात आहे.
