ସୋର ବ୍ଲକ ଟେଣ୍ଟେଇ ପଞ୍ଚାୟତରେ ଥିବା ଏକ ମନ୍ଦିର ନିକଟରେ ଡକାୟତି କରିବାକୁ ପ୍ରସ୍ତୁତ ହେଉଥିବା ବେଳେ ସୋର ପୁଲିସ ଚଢ଼ାଉ କରି ପାଞ୍ଚ ଜଣ ଡକାୟତଙ୍କୁ ଗିରଫ କରି କୋର୍ଟ ଚାଲାଣ କରିଛି। ସୂଚନା ଅନୁସାରେ ଏହି ମନ୍ଦିର ନିକଟରେ ଗତକାଲି ରାତିରେ ୫ ଜଣ ଡକାୟତ ଡକାୟତି କରିବା ପାଇଁ ପ୍ରସ୍ତୁତ ହେଉଥିବା ସୋର ପୁଲିସ ଖବର ପାଇ ଚଢ଼ାଉ କରିଥିଲା। ଫଳରେ ସେଠାରେ ଥିବା ପଥରପେଣ୍ଠ ଗ୍ରାମର ଶରତ ମହାଳିକ (୨୫),ଖଇରା ଥାନା ଗଣ୍ଡୁଆ ଗ୍ରାମର ଲକ୍ଷ୍ମୀକାନ୍ତ ପଣ୍ଡା (୨୨), ଖନ୍ତାପଡ଼ା ପାଟଣା ଗ୍ରାମର ଯଶୋବନ୍ତ ମଳିକ (୧୯), ଟେଣ୍ଟେଇ ଗ୍ରାମର ମାନସ ମଳିକ (୧୯) ଏବଂ ରାକେଶ ମଳିକକୁ ଗିରଫ କରିଛନ୍ତି।