ગુજરાતના વિવિધ ભાગોમાં વરસાદી માહોલ સર્જાતા નદી-નાળાઓ જળબંબોળ થયા છે. ત્યારે સ્ટેટ ઇમરજન્સી ઓપરેશન સેન્ટર ગાંધીનગર દ્વારા જાહેર કરવામાં આવેલા વરસાદી આંકડા પ્રમાણે, તારીખ 18 જુલાઈના સવારના 6 વાગ્યેથી 19 જુલાઈના સવારના 6 વાગ્યા એટલે કે, 24 કલાકમાં ગજરાતના અનેક વિસ્તારોમાં સાર્વત્રિક વરસાદ નોંધાયો છે. રાજ્યમાં સૌથી વધુ વરસાદ તાપી જિલ્લામાં નોંધાયો છે. અહીંના વાલોડ તાલુકામાં સૌથી વધુ 2.44 ઈંચ વરસાદ પડ્યો છે. આ ઉપરાંત તાપીના જ અન્ય તાલુકા એવા વ્યારામાં 2.24 ઈંચ, ઉકાઈમાં 2.09 ઈંચ અને ડોલવણમાં 0.87 ઈંચ વરસાદ ખાબક્યો છે. જ્યારે સોનગઢમાં 0.75 ઈંચ અને નિઝરમાં 0.08 ઈંચ વરસાદ નોંધાયો છે. #GujaratRain #Tapi #WeatherUpdate #Monsoon #GujaratNews #RainAlert #BreakingNews #HumDekhengeNews