প্ৰতিটো ঘৰ, প্ৰতিটো পৰিয়াল, প্ৰতিটো তথ্যই গঢ়ে এখন উন্নত ভাৰতৰ ছবি। ৰাজ্যত আজিৰে পৰা লোকপিয়ল ২০২৭ৰ গৃহ তালিকাভুক্তি আৰু গৃহ পিয়ল পৰ্যায়ৰ শুভাৰম্ভ হোৱা উপলক্ষে আমিনগাঁওস্থিত লোকপিয়ল সঞ্চালকালয়ত অসমৰ মাননীয় লোকপিয়ল সঞ্চালক শ্ৰী বিশ্বজিৎ পেগু ডাঙৰীয়া, ভা. প্ৰ. সে., অসম চৰকাৰৰ সাধাৰণ প্ৰশাসন বিভাগৰ মাননীয় অতিৰিক্ত সচিব শ্ৰী পাৰ্থ পেগু ডাঙৰীয়া, অ.অ.সে., মাননীয়া উপ-মহাপঞ্জীয়ক শ্ৰীমতী ভাৰতী চন্দা ডাঙৰীয়ানী, লোকপিয়ল সঞ্চালকালয়, মাননীয়া যুটীয়া সঞ্চালক ড° নিজৰা শৰ্মা ডাঙৰীয়ানী, মাননীয় যুটীয়া সঞ্চালক বিকাশ নাথ ডাঙৰীয়া , মাননীয় উপ-সঞ্চালক নয়ন মনি গগৈ ডাঙৰীয়া, মাননীয়া জিলা তথ্য আৰু জনসম্পৰ্কৰক্ষী বিষয়া শ্ৰীমতী কোমল দলে ডাঙৰীয়ানী সমন্বিতে লোকপিয়ল সঞ্চালকালয়ৰ বিষয়া-কৰ্মচাৰী তথা অন্যান্য বিশিষ্ট ব্যক্তিসকলৰ উপস্থিতিত এখন সংবাদমেল অনুষ্ঠিত হয়।
সংবাদমেলখনত ১৭ আগষ্টৰ পৰা ১৫ ছেপ্টেম্বৰ, ২০২৬ লৈ অনুষ্ঠিতব্য গৃহ তালিকাভুক্তি আৰু গৃহ পিয়লৰ বিভিন্ন দিশ, ডিজিটেল পদ্ধতি আৰু গণনাকাৰীসকলৰ ভূমিকা সম্পৰ্কে অৱগত কৰা হয়। উল্লেখ্যযে, লোকপিয়ল ২০২৭ ভাৰতৰ প্ৰথম ডিজিটেল ৰূপৰ লোকপিয়ল হোৱাৰ লগতে গৃহ তালিকাভুক্তি আৰু গৃহ পিয়লৰ তথ্য সংগ্ৰহ কাৰ্যত প্ৰায় ৭০ হাজাৰৰো অধিক গণনাকাৰী বিষয়াক নিয়োগ কৰা হৈছে। এই সংবাদমেলতেই মাননীয় লোকপিয়ল সঞ্চালক শ্ৰী বিশ্বজিৎ পেগু ডাঙৰীয়াই প্ৰতিটো গৃহলৈ যোৱা গণনাকাৰীসকলক সঠিক তথ্য প্ৰদান কৰি সহযোগ কৰাৰ বাবে আহ্বান জনায়।
#Census2027 #Assam
