चिंचवडमध्ये महावितरणच्या वीज उपकेंद्रात भीषण आग; ट्रान्सफॉर्मरचा मोठा स्फोट.
#pimprichinchwad #chinchwad #bijlinagar #breakingnewspune #pcmcnews
चिंचवड येथील बिजलीनगर परिसरातील वीज उपकेंद्रातील ट्रान्सफॉर्मरला आग लागल्याची घटना आज दुपारी घडली. या घटनेमुळे चिंचवडगाव, वाल्हेकरवाडी तसेच रावेत परिसरातील मोठ्या भागाचा वीजपुरवठा खंडित झाला आहे.
ट्रान्सफॉर्मरला आग लागल्यानंतर खबरदारीचा उपाय म्हणून संबंधित वीजवाहिन्यांचा पुरवठा बंद करण्यात आल्याची माहिती आहे. त्यामुळे परिसरातील नागरिकांना अचानक वीजखंडिताचा सामना करावा लागत आहे.
महावितरणच्या कर्मचाऱ्यांकडून बिघाड दुरुस्तीचे काम सुरू असून, वीजपुरवठा पूर्ववत करण्यासाठी प्रयत्न सुरू आहेत. मात्र, वीजपुरवठा नेमका किती वेळात सुरळीत होईल, याबाबत अद्याप अधिकृत माहिती समोर आलेली नाही.
