સુરત શહેરમાં ખાદ્ય પદાર્થોની ગુણવત્તાને લઈને એક ગંભીર અને ચોંકાવનારો મામલો સામે આવ્યો છે. પુણા ગામ વિસ્તારમાંથી 300 કિલોથી વધુ શંકાસ્પદ પનીરનો મોટો જથ્થો ઝડપાયો છે. આ સમગ્ર કાર્યવાહી સુરત SOG દ્વારા કરવામાં આવી છે.SOGને મળેલી ચોક્કસ બાતમીના આધારે પુણા ગામ વિસ્તારમાં આવેલી એવન ડેરીમાં અચાનક છાપો મારવામાં આવ્યો હતો. તપાસ દરમિયાન ડેરીમાંથી મોટી માત્રામાં પનીર મળી આવ્યું, જેની ગુણવત્તા શંકાસ્પદ જણાતા તાત્કાલિક જથ્થો જપ્ત કરવામાં આવ્યો.