जागतिक दिव्यांग दिनाचे औचित्य साधून गुरुदेव युवा संघाकडून सामाजिक बांधिलकी जपत यवतमाळ शासकीय रुग्णालयातील लहान मुलांच्या वार्ड क्रमांक 36, 37 तसेच दिव्यांग आणि वृद्ध निराधार बांधवांना उबदार ब्लॅंकेटचे वाटप करण्यात आले. तसेच रुग्णांच्या आरोग्याच्या दृष्टिकोनातून फळांचे वितरणही करण्यात आले. थंडीच्या दिवसात संरक्षण व आधार देण्याच्या उद्देशाने आयोजित या उपक्रमाला उपस्थित दिव्यांग बांधवांनी चांगला प्रतिसाद दिला.