കരാട്ടെയിലും കുങ്ഫുവിലും ബ്ലാക്ക് ബെൽറ്റ് നേടിയ ആത്മീയാചാര്യൻ; പട്ടാള ഗണപതിയുടെ സന്നിധിയിൽനിന്നും ശബരിമല അയ്യപ്പന്റെ പുണ്യപൂങ്കാവനത്തിലേക്ക് വ്രതശുദ്ധിയോടെയൊരു തീർത്ഥയാത്ര!

തിരുവനന്തപുരം: പരമ്പരാഗത നാലമ്പലത്തിന്റെ അതിർവരമ്പുകളിൽ ഒതുങ്ങാത്ത ജീവിതചര്യയും ആയോധനകലകളിലെ കരുത്തും സമന്വയിപ്പിച്ച് ആത്മീയലോകത്ത് വിസ്മയം തീർക്കുകയാണ് തന്ത്രവേദാന്തരത്നം അരീക്കര സുബ്രഹ്മണ്യൻ ശങ്കരൻ നമ്പൂതിരി. കരാട്ടെയിലും കുങ്ഫുവിലും ബ്ലാക്ക് ബെൽറ്റ് സ്വന്തമാക്കിയ ഈ ആയോധനകലാ വിദഗ്ധൻ ഇനി ശബരിമലയുടെ പുതിയ മേൽശാന്തി.

കേവലമൊരു അർച്ചകൻ എന്നതിലുപരി ശാരീരികക്ഷമതയും മനസ്സിന്റെ ഏകാഗ്രതയും ദൈവീകതയും ഒരേപോലെ സംയോജിപ്പിച്ച വേറിട്ടൊരു ജീവിതശൈലിയാണ് ശങ്കരൻ നമ്പൂതിരി പിന്തുടരുന്നത്. ഇന്ത്യൻ ആർമിയുടെ മദ്രാസ് റെജിമെന്റിന്റെ കീഴിലുള്ള ചരിത്രപ്രസിദ്ധമായ തിരുവനന്തപുരം പഴവങ്ങാടി മഹാഗണപതി ക്ഷേത്രത്തിലെ പ്രധാന മേൽശാന്തിയായി കഴിഞ്ഞ ആറു വർഷത്തിലേറെയായി സേവനമനുഷ്ഠിച്ചു വരികയായിരുന്നു ഇദ്ദേഹം. 'പട്ടാള ഗണപതി'യെന്നറിയപ്പെടുന്ന പഴവങ്ങാടിയിലെ വലംപിരി ഗണപതിയെ ഭക്തരുടെ കണ്ണീരൊപ്പുന്ന 'പ്രപഞ്ച ഗണപതി'യായിട്ടാണ് അദ്ദേഹം വിശേഷിപ്പിക്കുന്നത്.

ആയോധനകലകളും ആത്മീയതയും പരസ്പരവിരുദ്ധമല്ലെന്നും ഭാരതത്തിന്റെ കായിക-ആത്മീയ പൈതൃകത്തിന്റെ അവിഭാജ്യ ഘടകമാണെന്നുമാണ് ശങ്കരൻ നമ്പൂതിരി വ്യക്തമാക്കുന്നത്. കായികമായ അച്ചടക്കവും മനസ്സിന്റെ അചഞ്ചലമായ ഏകാഗ്രതയും കൈവരിക്കാൻ ഈ വിദ്യകൾ അദ്ദേഹത്തെ സഹായിക്കുന്നു. കരാട്ടെയ്ക്കും കുങ്ഫുവിനും പുറമെ ആഗോളതലത്തിൽ ശ്രദ്ധേയമായ പ്രകൃതിചികിത്സാ-ഊർജ്ജ വിദ്യയായ 'റേക്കി'യിലും ഇദ്ദേഹം പൂർണ്ണ വൈദഗ്ധ്യം നേടിയിട്ടുണ്ട്.

വൈദിക പഠനത്തിലും താന്ത്രികവിദ്യയിലും ഒട്ടും പിന്നിലല്ല ഈ ആയോധനപ്രേമി. തന്ത്രവേദാന്തരത്നം ബിരുദമുള്ള ശങ്കരൻ നമ്പൂതിരി ഋഗ്വേദം, ജ്യോതിഷം, വാസ്തുവിദ്യ എന്നിവയിലെല്ലാം അഗാധമായ പാണ്ഡിത്യം നേടിയിട്ടുണ്ട്. ആത്മീയതയും ഭക്തിയും നിറഞ്ഞ കുടുംബ പശ്ചാത്തലമായിരുന്നു അദ്ദേഹത്തിന്റേത്. തിരുവിതാംകൂർ ദേവസ്വം ബോർഡിലെ ശ്രദ്ധേയനായ പൂജാരിയും പമ്പ, എരുമേലി ക്ഷേത്രങ്ങളിലെ മുൻ മേൽശാന്തിയുമായിരുന്ന പിതാവ് സുബ്രഹ്മണ്യൻ നമ്പൂതിരിയുടെ കർമ്മനിഷ്ഠ കണ്ടാണ് അദ്ദേഹം വളർന്നത്.

ഏഴാം വയസ്സിൽ ഉപനയനം കഴിഞ്ഞതുമുതൽ പൂജാവിധികളോട് ആഴത്തിൽ ഇഴുകിച്ചേർന്ന ശങ്കരൻ നമ്പൂതിരി, സ്‌കൂൾ-കോളേജ് പഠനകാലത്തും വൈദികചര്യകളിൽ നിന്ന് വ്യതിചലിച്ചില്ല. കേരളത്തിലെ പ്രശസ്ത തന്ത്രി അമ്പലപ്പുഴ പുതുമന ശ്രീധരൻ നമ്പൂതിരിയുടെ ശിഷ്യത്വം സ്വീകരിച്ചതാണ് ജീവിതത്തിലെ പ്രധാന വഴിത്തിരിവായത്. "30 വയസ്സുവരെ പരമാവധി ശാസ്ത്രങ്ങൾ പഠിക്കുക, അതിനുശേഷം മാത്രം കർമ്മരംഗത്തേക്ക് ഇറങ്ങുക" എന്ന ഗുരുനാഥന്റെ അമൂല്യ ഉപദേശം അദ്ദേഹം കണിശമായി പാലിച്ചു.

പ്രശസ്ത പണ്ഡിതൻ ആർ.എസ്. നാരായണ നമ്പൂതിരിയിൽ നിന്ന് ഋഗ്വേദവും, തകഴി ഗോപാലകൃഷ്ണാചാരിയിൽ നിന്ന് ജ്യോതിഷവും, തിരുവല്ല പാലിയേക്കര കൊട്ടാരത്തിലെ പി.സി. രവീന്ദ്ര വർമ്മയിൽ നിന്ന് വാസ്തുവിദ്യയും ശാസ്ത്രീയമായി അഭ്യസിച്ചു. വളരെ ചെറുപ്പത്തിൽത്തന്നെ മേൽശാന്തി പദവികൾ അദ്ദേഹത്തെ തേടിയെത്തിയിരുന്നു. 27-ാം വയസ്സിൽ ഡൽഹി ആർ.കെ. പുരം അയ്യപ്പക്ഷേത്രത്തിൽ മേൽശാന്തിയായി നിയമിതനായ അദ്ദേഹം പ്രവാസികൾക്കിടയിൽ വലിയ ആദരവ് നേടി.

പിന്നീട് കോട്ടയം നെടുങ്ങുന്നം ഭഗവതി ക്ഷേത്രത്തിലും തലസ്ഥാനത്തെ തൈക്കാട് ശ്രീധർമ്മശാസ്താ ക്ഷേത്രത്തിൽ നീണ്ട പത്ത് വർഷവും മേൽശാന്തിയായി അദ്ദേഹം സേവനമനുഷ്ഠിച്ചു. "അർച്ചകസ്യ പ്രഭാവേന ശിലാ ഭവതി ശങ്കരഃ" എന്ന പ്രമാണത്തിലാണ് ശങ്കരൻ നമ്പൂതിരി വിശ്വസിക്കുന്നത്. ഭഗവാന്റെ സർവ്വവ്യാപിയായ പോസിറ്റീവ് എനർജിയെ ഭക്തരിലേക്ക് പ്രവഹിപ്പിക്കുന്ന പ്രധാന ചാലകശക്തിയാണ് പൂജാരി എന്നാണ് അദ്ദേഹത്തിന്റെ പക്ഷം.

തുലാമാസം ഒന്നിന് ശബരിമല സോപാനത്തു നടന്ന നറുക്കെടുപ്പിലൂടെയാണ് അരീക്കര ശങ്കരൻ നമ്പൂതിരിയെ ശബരിമല മേൽശാന്തിയായി തിരഞ്ഞെടുത്തത്. കോഴിക്കോട് ആയിടത്തില്ലം എ. ദാമോദരൻ നമ്പൂതിരിയാണ് നിയുക്ത മാളികപ്പുറം മേൽശാന്തി. വരാനിരിക്കുന്ന മണ്ഡല-മകരവിളക്ക് തീർത്ഥാടന കാലം മുതൽ ഒരു വർഷത്തേക്കാണ് ഈ പുതിയ നിയോഗം. തുലാമാസം 30-ന് സന്നിധാനത്തെത്തി ഇരുമേൽശാന്തിമാരും ചുമതലയേൽക്കും.

കരാട്ടെയിലും കുങ്ഫുവിലും ബ്ലാക്ക് ബെൽറ്റ് നേടിയ ആത്മീയാചാര്യൻ; പട്ടാള ഗണപതിയുടെ സന്നിധിയിൽനിന്നും ശബരിമല അയ്യപ്പന്റെ പുണ്യപൂങ്കാവനത്തിലേക്ക് വ്രതശുദ്ധിയോടെയൊരു തീർത്ഥയാത്ര! തിരുവനന്തപുരം: പരമ്പരാഗത നാലമ്പലത്തിന്റെ അതിർവരമ്പുകളിൽ ഒതുങ്ങാത്ത ജീവിതചര്യയും ആയോധനകലകളിലെ കരുത്തും സമന്വയിപ്പിച്ച് ആത്മീയലോകത്ത് വിസ്മയം തീർക്കുകയാണ് തന്ത്രവേദാന്തരത്നം അരീക്കര സുബ്രഹ്മണ്യൻ ശങ്കരൻ നമ്പൂതിരി. കരാട്ടെയിലും കുങ്ഫുവിലും ബ്ലാക്ക് ബെൽറ്റ് സ്വന്തമാക്കിയ ഈ ആയോധനകലാ വിദഗ്ധൻ ഇനി ശബരിമലയുടെ പുതിയ മേൽശാന്തി. കേവലമൊരു അർച്ചകൻ എന്നതിലുപരി ശാരീരികക്ഷമതയും മനസ്സിന്റെ ഏകാഗ്രതയും ദൈവീകതയും ഒരേപോലെ സംയോജിപ്പിച്ച വേറിട്ടൊരു ജീവിതശൈലിയാണ് ശങ്കരൻ നമ്പൂതിരി പിന്തുടരുന്നത്. ഇന്ത്യൻ ആർമിയുടെ മദ്രാസ് റെജിമെന്റിന്റെ കീഴിലുള്ള ചരിത്രപ്രസിദ്ധമായ തിരുവനന്തപുരം പഴവങ്ങാടി മഹാഗണപതി ക്ഷേത്രത്തിലെ പ്രധാന മേൽശാന്തിയായി കഴിഞ്ഞ ആറു വർഷത്തിലേറെയായി സേവനമനുഷ്ഠിച്ചു വരികയായിരുന്നു ഇദ്ദേഹം. 'പട്ടാള ഗണപതി'യെന്നറിയപ്പെടുന്ന പഴവങ്ങാടിയിലെ വലംപിരി ഗണപതിയെ ഭക്തരുടെ കണ്ണീരൊപ്പുന്ന 'പ്രപഞ്ച ഗണപതി'യായിട്ടാണ് അദ്ദേഹം വിശേഷിപ്പിക്കുന്നത്. ആയോധനകലകളും ആത്മീയതയും പരസ്പരവിരുദ്ധമല്ലെന്നും ഭാരതത്തിന്റെ കായിക-ആത്മീയ പൈതൃകത്തിന്റെ അവിഭാജ്യ ഘടകമാണെന്നുമാണ് ശങ്കരൻ നമ്പൂതിരി വ്യക്തമാക്കുന്നത്. കായികമായ അച്ചടക്കവും മനസ്സിന്റെ അചഞ്ചലമായ ഏകാഗ്രതയും കൈവരിക്കാൻ ഈ വിദ്യകൾ അദ്ദേഹത്തെ സഹായിക്കുന്നു. കരാട്ടെയ്ക്കും കുങ്ഫുവിനും പുറമെ ആഗോളതലത്തിൽ ശ്രദ്ധേയമായ പ്രകൃതിചികിത്സാ-ഊർജ്ജ വിദ്യയായ 'റേക്കി'യിലും ഇദ്ദേഹം പൂർണ്ണ വൈദഗ്ധ്യം നേടിയിട്ടുണ്ട്. വൈദിക പഠനത്തിലും താന്ത്രികവിദ്യയിലും ഒട്ടും പിന്നിലല്ല ഈ ആയോധനപ്രേമി. തന്ത്രവേദാന്തരത്നം ബിരുദമുള്ള ശങ്കരൻ നമ്പൂതിരി ഋഗ്വേദം, ജ്യോതിഷം, വാസ്തുവിദ്യ എന്നിവയിലെല്ലാം അഗാധമായ പാണ്ഡിത്യം നേടിയിട്ടുണ്ട്. ആത്മീയതയും ഭക്തിയും നിറഞ്ഞ കുടുംബ പശ്ചാത്തലമായിരുന്നു അദ്ദേഹത്തിന്റേത്. തിരുവിതാംകൂർ ദേവസ്വം ബോർഡിലെ ശ്രദ്ധേയനായ പൂജാരിയും പമ്പ, എരുമേലി ക്ഷേത്രങ്ങളിലെ മുൻ മേൽശാന്തിയുമായിരുന്ന പിതാവ് സുബ്രഹ്മണ്യൻ നമ്പൂതിരിയുടെ കർമ്മനിഷ്ഠ കണ്ടാണ് അദ്ദേഹം വളർന്നത്. ഏഴാം വയസ്സിൽ ഉപനയനം കഴിഞ്ഞതുമുതൽ പൂജാവിധികളോട് ആഴത്തിൽ ഇഴുകിച്ചേർന്ന ശങ്കരൻ നമ്പൂതിരി, സ്‌കൂൾ-കോളേജ് പഠനകാലത്തും വൈദികചര്യകളിൽ നിന്ന് വ്യതിചലിച്ചില്ല. കേരളത്തിലെ പ്രശസ്ത തന്ത്രി അമ്പലപ്പുഴ പുതുമന ശ്രീധരൻ നമ്പൂതിരിയുടെ ശിഷ്യത്വം സ്വീകരിച്ചതാണ് ജീവിതത്തിലെ പ്രധാന വഴിത്തിരിവായത്. "30 വയസ്സുവരെ പരമാവധി ശാസ്ത്രങ്ങൾ പഠിക്കുക, അതിനുശേഷം മാത്രം കർമ്മരംഗത്തേക്ക് ഇറങ്ങുക" എന്ന ഗുരുനാഥന്റെ അമൂല്യ ഉപദേശം അദ്ദേഹം കണിശമായി പാലിച്ചു. പ്രശസ്ത പണ്ഡിതൻ ആർ.എസ്. നാരായണ നമ്പൂതിരിയിൽ നിന്ന് ഋഗ്വേദവും, തകഴി ഗോപാലകൃഷ്ണാചാരിയിൽ നിന്ന് ജ്യോതിഷവും, തിരുവല്ല പാലിയേക്കര കൊട്ടാരത്തിലെ പി.സി. രവീന്ദ്ര വർമ്മയിൽ നിന്ന് വാസ്തുവിദ്യയും ശാസ്ത്രീയമായി അഭ്യസിച്ചു. വളരെ ചെറുപ്പത്തിൽത്തന്നെ മേൽശാന്തി പദവികൾ അദ്ദേഹത്തെ തേടിയെത്തിയിരുന്നു. 27-ാം വയസ്സിൽ ഡൽഹി ആർ.കെ. പുരം അയ്യപ്പക്ഷേത്രത്തിൽ മേൽശാന്തിയായി നിയമിതനായ അദ്ദേഹം പ്രവാസികൾക്കിടയിൽ വലിയ ആദരവ് നേടി. പിന്നീട് കോട്ടയം നെടുങ്ങുന്നം ഭഗവതി ക്ഷേത്രത്തിലും തലസ്ഥാനത്തെ തൈക്കാട് ശ്രീധർമ്മശാസ്താ ക്ഷേത്രത്തിൽ നീണ്ട പത്ത് വർഷവും മേൽശാന്തിയായി അദ്ദേഹം സേവനമനുഷ്ഠിച്ചു. "അർച്ചകസ്യ പ്രഭാവേന ശിലാ ഭവതി ശങ്കരഃ" എന്ന പ്രമാണത്തിലാണ് ശങ്കരൻ നമ്പൂതിരി വിശ്വസിക്കുന്നത്. ഭഗവാന്റെ സർവ്വവ്യാപിയായ പോസിറ്റീവ് എനർജിയെ ഭക്തരിലേക്ക് പ്രവഹിപ്പിക്കുന്ന പ്രധാന ചാലകശക്തിയാണ് പൂജാരി എന്നാണ് അദ്ദേഹത്തിന്റെ പക്ഷം. തുലാമാസം ഒന്നിന് ശബരിമല സോപാനത്തു നടന്ന നറുക്കെടുപ്പിലൂടെയാണ് അരീക്കര ശങ്കരൻ നമ്പൂതിരിയെ ശബരിമല മേൽശാന്തിയായി തിരഞ്ഞെടുത്തത്. കോഴിക്കോട് ആയിടത്തില്ലം എ. ദാമോദരൻ നമ്പൂതിരിയാണ് നിയുക്ത മാളികപ്പുറം മേൽശാന്തി. വരാനിരിക്കുന്ന മണ്ഡല-മകരവിളക്ക് തീർത്ഥാടന കാലം മുതൽ ഒരു വർഷത്തേക്കാണ് ഈ പുതിയ നിയോഗം. തുലാമാസം 30-ന് സന്നിധാനത്തെത്തി ഇരുമേൽശാന്തിമാരും ചുമതലയേൽക്കും.

Kozhenchery, Pathanamthitta | Oct 19, 2026

MORE NEWS