ମୁଖ୍ୟମନ୍ତ୍ରୀ ରିଲିଫ ସାମଗ୍ରୀ ହଡ଼ପ ଉଦ୍ୟମ ଧରାପଡ଼ିବା ପରେ ସାମ୍ବାଦିକଙ୍କୁ ଆକ୍ରମଣ ...
#exclusivenews #mohanmajhi #swabhimaniodia
ଦଶରଥପୁର: ଦଶରଥପୁର ବ୍ଲକର ସାମ୍ବାଦିକକୌଶିକ ଦାସଙ୍କୁ ମରଣାନ୍ତକ ଆକ୍ରମଣ। ଯାଜପୁରଜିଲ୍ଲା ଦଶରଥପୁର ଥାନରେ ଅଭିଯୋଗ ହେବା ପରେ ପୁଲିସ ତଦନ୍ତ ଆରମ୍ଭ କରିଛି। ଅଭିଯୋଗ ଅନୁସାରେ ଚଳିତ ବର୍ଷ ବନ୍ୟାରେ ସର୍ବାଧିକ କ୍ଷତି ଦଶରଥପୁର ବ୍ଲକ ଘଟିଛି। ଏଣୁ ମୁଖ୍ୟମନ୍ତ୍ରୀଙ୍କ ରିଲିଫ ଫଣ୍ଡରୁ ଏକ ଟ୍ରକ ଯୋଗେ ଦଶରଥପୁର ବ୍ଲକକୁ ସାମଗ୍ରୀ ଆସିଛି। ମାତ୍ର ଉକ୍ତ ରିଲିଫ ବ୍ଲକ ପରିସର କିମ୍ବା କୌଣସି ସରକାରୀ କାର୍ଯ୍ୟାଳୟରେ ରଖା ଯାଉନଥିବା ଅଭିଯୋଗ ହୋଇଥିଲା। ସେଠାରେ ମଧ୍ୟ କୌଣସି ଅଧିକାରୀ ଉପସ୍ଥିତ ନଥିବା ବେଳେ ବିଡ଼ିଓ ଆକାଶ ପଟ୍ଟନାୟକ ଏ ଘଟଣା ଜାଣିନଥିବା ସାମ୍ବାଦିକ କୌଶିକ ଦାସଙ୍କୁ କହିଥିଲେ। ଏଣୁ ସନ୍ଦେହ ହେବାରୁ ଘଟଣାସ୍ଥଳ ଅର୍ଥାତ ଦଶରଥପୁର ପଞ୍ଚାୟତକାର୍ଯ୍ୟାଳୟ ସମ୍ମୁଖରେ ଏକ କଦଳୀ ଗୋଦାମ ଘରେ ରିଲିଫ ସାମଗ୍ରୀ ରଖାଯାଉଥିବାରୁ ପଚାରିଥିଲେ।
ଏହାପରେ ମୋବାଇଲ ବାହାର କରି ଭିଡିଓ ରେକଡ଼ିଂ କରିବା ସମୟରେ ସ୍ଥାନୀୟ ଦଶରଥପୁର ପୂର୍ବତନ ସରପଞ୍ଚ ଇନ୍ଦ୍ରଜିତ ଦାସ ଏବଂ ବିରଜା ପ୍ରସାଦ ଦାସ ମୋବାଇଲ ଛଡାଇ ନେଇ ଅଶ୍ଳୀଳ ଭାଷାରେ ଗାଳିଗୁଲଜ କରିବା ସହିତ ବିଧା, ଗୋଇଠା ମାଡ଼ ମାରିଥିଲେ। ଏକ ଧରୁଆ ଅସ୍ତ୍ରରେ ବେକକୁ ଲଗାଇ ଜୀବନରୁ ହତ୍ୟା କରିଦେବା ଏବଂ ଘରେ ପେଟ୍ରୋଲ ଢାଳି ନିଆଁ ଲଗାଇଦେବାକୁ ଚେତାବନୀ ମଧ୍ୟ ଦେଇଛନ୍ତି। ପୁଲିସ କିମ୍ବା ଜିଲ୍ଲା ପ୍ରଶାସନ ସରକାରୀ ରିଲିଫକୁ ଜବତ ନକରିବା ଏବଂ ଅଭିଯୁକ୍ତଙ୍କୁ ପୁଲିସ ଏଯାବତ ଗିରଫ ନକରିବାରୁ ସାମ୍ବାଦିକ ସଂଘ ପକ୍ଷରୁ ଅସନ୍ତୋଷ ତେଜିବାର ଲାଗିଛି।
