વલસાડમાં રથયાત્રા પર્વ પૂર્વે પોલીસનું મેગા કોમ્બિંગ ઓપરેશન: 773 પોલીસ જવાનોના કાફલા સાથે અસામાજિક તત્વો પર બાજ નજર: આગામી રથયાત્રા પર્વને અનુલક્ષીને વલસાડ જિલ્લામાં કાયદો અને વ્યવસ્થાની સ્થિતિ સુદ્રઢ કરવાના ભાગરૂપે જિલ્લા પોલીસ દ્વારા વ્યાપક સ્તરે ‘ડે એન્ડ નાઈટ કોમ્બિંગ’ હાથ ધરવામાં આવ્યું હતું. જિલ્લા પોલીસ અધિક્ષક યુવરાજસિંહ જાડેજા (IPS) ના સીધા માર્ગદર્શન હેઠળ આ સરપ્રાઈઝ ડ્રાઈવનું આયોજન કરવામાં આવ્યું હતું, જેમાં વાપી સહિત સમગ્ર જિલ્લાના વિવિધ વિસ્તારોમાં પોલીસ કાફલો તૈનાત રહ્યો હતો. વાપીમાં અસામાજિક તત્વો પર ડ્રોનથી બાજ નજર રાખવાની સાથે ભાડુઆત કરાર ન કરાવનાર મકાન માલિકો અને સીસીટીવી કેમેરા ન ધરાવતા એકમો સામે પણ લાલ આંખ કરવામાં આવી હતી. આ સઘન ડ્રાઈવમાં 1 મદદનીશ પોલીસ અધિક્ષક, 2 નાયબ પોલીસ અધિક્ષક, 18 પોલીસ ઇન્સ્પેક્ટર, 19 પીએસઆઈ, 261 પોલીસ કર્મચારીઓ તેમજ 472 હોમગાર્ડ અને જી.આર.ડી.ના જવાનો સહિત કુલ 773 જેટલા સુરક્ષાકર્મીઓ મેદાનમા�