વલસાડના સાંસદ ધવલ પટેલના નામે બનાવટી લેટરપેડ અને ઈ-મેલ આઈડી બનાવી ઠગાઈ કરનાર અમદાવાદથી ઝડપાયો: અનેક નેતાઓ અને પોલીસ અધિકારીઓના નામનો ગેરઉપયોગ વલસાડના સાંસદ ધવલભાઈ પટેલના નામ અને હોદ્દાનો દુરુપયોગ કરી બનાવટી લેટરપેડ તેમજ ખોટા ઈ-મેલ આઈડી દ્વારા છેતરપિંડી આચરનાર એક ઠગને વલસાડ સાયબર ક્રાઈમ પોલીસની ટીમે ગણતરીના કલાકોમાં ઝડપી પાડ્યો છે. આરોપી પ્રતિક પ્રદુતકુમાર દે (રહે. ઈશનપુર, અમદાવાદ) દ્વારા સાંસદ ધવલ પટેલના સત્તાવાર લેટરપેડ અને સહીનો નકલી ઉપયોગ કરીને સ્ટેટ બેન્ક ઓફ ઈન્ડિયા (SBI) ના ચેરમેનને ગેરમાર્ગે દોરવા માટે ભલામણ પત્ર મોકલવામાં આવ્યો હતો. આ અંગે સાંસદના પર્સનલ આસિસ્ટન્ટ રવીકુમાર પટેલે વલસાડ સાયબર ક્રાઈમ પોલીસ સ્ટેશનમાં ફરિયાદ નોંધાવતા તપાસનો દોર શરૂ થયો હતો. સાયબર ક્રાઈમની ટીમે ટેકનિકલ એનાલિસિસ અને હ્યુમન સોર્સની મદદથી અમદાવાદના ઈશનપુર વિસ્તારમાંથી મૂળ પશ્ચિમ બંગાળના આરોપી પ્રતિક દેને ઝડપી લીધો હતો. પોલીસની પ્રાથમિક