ઉત્સવની તૈયારીઓ વચ્ચે આસ્થાની ઉપેક્ષા: રસ્તાના કિનારે ત્યજી દેવાયેલી ગણેશજીની મૂર્તિઓનું સન્માનપૂર્વક વિસર્જન કરાયું
ગણેશ ચતુર્થીના તહેવારની ધામધૂમપૂર્વક તૈયારીઓ ચાલી રહી છે, ત્યારે રસ્તાના કિનારે પ્લાસ્ટિકમાં લપેટીને બિનવારસી હાલતમાં છોડી દેવાયેલી બાપ્પાની મૂર્તિઓ જોઈને શ્રદ્ધાળુઓનું હૃદય ભરાઈ આવ્યું હતું. શ્રદ્ધા માત્ર મોટા પંડાલ, રોશની કે ડીજે પૂરતી સીમિત નથી, પરંતુ પ્રત્યેક મૂર્તિના સન્માન અને પવિત્રતા જાળવવામાં રહેલી છે. આ બાબતને ધ્યાનમાં રાખીને સેવાભાવી લોકો દ્વારા રસ્તા પર રઝળતી આ મૂર્તિઓને એકત્ર કરી પૂર્ણ આદર સાથે નદીમાં સન્માનપૂર્વક વિસર્જિત કરવામાં આવી હતી. આ ઘટના એ સંદેશ આપે છે કે ઉત્સવ ઉજવવાની સાથે ધાર્મિક આદર અને સામાજિક જવાબદારી પણ એટલી જ જરૂરી છે.
Follow @aapnu_vapi For More
Vapi, Valsad | Sep 14, 2026 
