जळगाव: बांभोरी गावातील 'कन्हैया पुरी फूड्स'ची फॅक्टरी फोडून मुद्देमाल लंपास : पाणीपुरी बनवण्याचे ६ लाखांचे मशिनरी साहित्य लंपास
धरणगाव तालुक्यातील बांभोरी येथील झुलेलाल मार्केटमधील 'कन्हैया पुरी फूड्स' या फॅक्टरीमध्ये अज्ञात चोरट्यांनी शटर वाकवून व मागील भिंत फोडून प्रवेश करत ६ लाख १० हजार रुपयांचे पाणीपुरी बनविण्याचे आणि आटा तयार करण्याचे महागडे मशिनरी साहित्य चोरून नेल्याची घटना बुधवारी २६ नोव्हेंबर रोजी दुपारी १ वाजता समोर आली. याबाबत गुरूवारी २७ नोव्हेंबर रोजी दुपारी २ वाजता धरणगाव पोलीसात गुन्हा दाखल करण्यात आला.