पालघर: आमदार राजेंद्र गावित यांनी अवकाळी पावसाने नुकसानग्रस्त धाकटी डहाणू येथील मच्छीमारांची घेतली भेट नुकसानीची केली पाहणी
पालघर जिल्ह्यात अवकाळी पाऊस व वादळी वाऱ्यामुळे मोठ्या प्रमाणात मच्छिमार, शेतकरी व नागरिकांचे नुकसान झाले आहे. पालघरचे आमदार राजेंद्र गावित यांनी धाकटी डहाणू परिसरात नुकसान झालेल्या मच्छीवारांची भेट घेतली व नुकसानीची पाहणी केली. यावेळी त्यांच्यासमवेत डहाणू तहसीलदार, मत्स्य व्यवसाय उपायुक्त व संबंधित अधिकारी, मच्छिमार उपस्थित होते. नुकसानीचे पंचनामे करून लवकरात लवकर नुकसान भरपाईची प्रक्रिया सुरू करण्याच्या सूचना यावेळी संबंधित अधिकाऱ्यांना दिल्या आहेत.