लाडकी बहीण, PM किसान, ई-KYC अडचणींवर प्रशासनाची दखल शिरपूर तालुक्यातील आदिवासीबहुल कोडीद गावात नाशिक विभागीय आयुक्त Pravin Gedam यांनी ग्रामसंवाद कार्यक्रमांतर्गत भेट देत ग्रामस्थांशी थेट संवाद साधला. शासनाच्या विविध योजनांचा लाभ खरोखरच नागरिकांपर्यंत पोहोचतो का, याची त्यांनी प्रत्यक्ष पाहणी आणि चौकशी केली. या दौऱ्यात ग्रामस्थांनी सामाजिक अर्थसहाय्य योजना, लाडकी बहीण योजनेतील ई-केवायसी अडचणी, वनपट्टेधारकांचे प्रश्न, ॲग्री स्टॅक आणि पीएम किसान योजनेच्या लाभाबाबतच्या समस्या मांडल्या. विभागीय आयुक्तांनी नागरिकांच्या तक्रारी ऐकून संबंधित अधिकाऱ्यांना आवश्यक सूचना दिल्या. यावेळी प्राथमिक आरोग्य केंद्र, अंगणवाडी, स्वस्त धान्य दुकान आणि सेतू केंद्राची पाहणी करण्यात आली. तसेच शेतकऱ्यांना खत आणि बियाण्यांचा पुरवठा वेळेवर होतो का, याचीही माहिती घेण्यात आली. प्रशासन आणि नागरिक यांच्यातील थेट संवादातून गावातील वास्तव परिस्थिती �