બારડોલી તાલુકાના ઇસરોલી ગામ નજીક બારડોલી-અનાવલ સ્ટેટ હાઈવે પર રસ્તો પહોળો કરવાની કામગીરી દરમિયાન તંત્રની બેદરકારી સામે આવી છે. રસ્તાની બાજુમાં ખોદવામાં આવેલા મોટા ખાડા પાસે કોઈ રિફ્લેક્ટર કે દિશા સૂચક બોર્ડ મુકવામાં ન આવતા રાત્રિના સમયે એક બાઇક ચાલક ખાડામાં ખાબકી પડ્યો હતો. આ અકસ્માતમાં બાઇક ચાલક ગંભીર રીતે ઇજાગ્રસ્ત થયો હતો. ઘટનાની જાણ થતાં 108 એમ્બ્યુલન્સ દ્વારા તેને તાત્કાલિક નજીકની હોસ્પિટલમાં સારવાર માટે ખસેડવામાં આવ્યો હતો.