ઘોઘંબા તાલુકાના ખરોડ ગામના એક મહિલાને હૃદયરોગનો હુમલો થતાં તેમને તાત્કાલિક સારવાર અર્થે ગોધરા સિવિલ હોસ્પિટલ ખાતે ખસેડવામાં આવ્યા છે. ખરોડ ગામે રહેતા 60 વર્ષીય સરોદબેન વણકર નામના મહિલાને અચાનક તેમની છાતીમાં તીવ્ર દુખાવો ઊપડ્યો હતો. પરિવારજનોને આ અંગે જાણ થતાં જ તેઓ દ્વારા સમયસૂચકતા વાપરીને તેમને તાત્કાલિક સારવાર માટે ખસેડવાની વ્યવસ્થા કરવામાં આવી હતી. મહિલાને તાત્કાલિક ગોધરા સિવિલ હોસ્પિટલ ખાતે લાવવામાં આવ્યા હતા.