वडगाव शेरीत मध्यरात्री रस्ता खोदला? ३ सोसायट्यांमधील ३,०००+ रहिवाशांचा प्रशासनाकडे धाव
पुण्यातील वडगाव शेरी परिसरातील ला ग्लोरिओसा, सिलिकॉन बे आणि न्याती एन्चांटे या तीन गृहनिर्माण सोसायट्यांमधील रहिवाशांनी सरकारी हस्तक्षेपाची मागणी केली आहे.
रहिवाशांच्या दाव्यानुसार, सुमारे १५ वर्षांपासून वापरात असलेला प्रवेश मार्ग मध्यरात्री खोदून बंद करण्यात आला. त्यामुळे ३,००० हून अधिक रहिवाशांच्या दैनंदिन ये-जा करण्यावर परिणाम झाल्याचे त्यांचे म्हणणे आहे.
या मार्गाचा वापर रहिवासी, स्कूल व्हॅन, नोकरदार आणि इतर वाहनांकडून केला जात होता. रस्ता बंद झाल्यामुळे शाळकरी मुले, ज्येष्ठ नागरिक, गर्भवती महिला, लहान मुले आणि आपत्कालीन रुग्णांना अडचणी निर्माण होऊ शकतात, अशी चिंता रहिवाशांनी व्यक्त केली आहे.
रहिवाशांचा आरोप आहे की, रस्त्याबाबतच्या चर्चेदरम्यान काहींना ‘तुम्ही बाहेरचे लोक आहात’ असे सांगण्यात आले. मात्र, रहिवाशांनी हा दावा फेटाळत आपण येथे राहतो, कर भरतो आणि मतदान करतो, असे सांगितले.
‘ही कोणतीही विशेष सवलत नाही; आमच्या घरापर्यंतचा मूलभूत आणि अखंड प्रवेश कायम ठेवावा,’ अशी मागणी रहिवाशांनी केली आहे.
या प्रकरणात प्रशासन आणि संबंधित विभाग काय भूमिका घेतात, याकडे आता लक्ष लागले आहे.
वडगाव शेरीत मध्यरात्री रस्ता खोदला?
३ सोसायट्यांतील ३,०००+ रहिवासी त्रस्त
‘तुम्ही बाहेरचे लोक आहात’ म्हणाल्याचा आरोप
रस्ता बंद; रहिवाशांची प्रशासनाकडे धाव
#WadgaonSheri #Pune #PuneNews #RoadIssue #Residents #HousingSociety #CivicIssue #PMC #PuneMunicipalCorporation #RoadAccess #MaharashtraNews #BreakingNews
