यवतमाळ जिल्ह्यात दिनांक २० जानेवारी ते २ फेब्रुवारी दरम्यान होणाऱ्या पोलीस भरतीच्या मैदानी चाचणीसाठी राज्यभरातून मोठ्या संख्येने उमेदवार येणार आहेत. दरवर्षीप्रमाणे यावर्षीही शिवसेना–युवासेना यांच्या वतीने उमेदवारांसाठी निवासी व्यवस्थेचा सामाजिक उपक्रम राबविण्यात येत आहे.त्या अनुषंगाने महाराष्ट्र जीवन प्राधिकरण कार्यालय,यवतमाळ येथील उपलब्ध जागेत तात्पुरती निवास व्यवस्था करण्याची परवानगी देण्याबाबत निवेदन सादर करण्यात आले.