ಧಾರವಾಡ: ಜುಲೈ 7 ರಂದು ಧಾರವಾಡ ನಗರದ ವಿವಿಧ ಕಡೆಗಳಲ್ಲಿ ವಿದ್ಯುತ್ ವ್ಯತ್ಯಯ: ಹೆಸ್ಕಾಂ ಪ್ರಕಟಣೆ
ಜುಲೈ 7 ರಂದು ಧಾರವಾಡ ನಗರದ ವಿವಿಧ ಕಡೆಗಳಲ್ಲಿ ವಿದ್ಯುತ್ ವ್ಯತ್ಯಯವಾಗಲಿದೆ ಎಂದು ಶನಿವಾರ ಸಂಜೆ 6 ಗಂಟೆಗೆ ಹೆಸ್ಕಾಂ ಪ್ರಕಟಣೆಯಲ್ಲಿ ತಿಳಿಸಿದೆ. ಧಾರವಾಡದ ೩೩/೧೧ ಕೆ.ವಿ. ವಿದ್ಯಾಗಿರಿ ವಿದ್ಯುತ್ ವಿತರಣಾ ಕೇಂದ್ರದಿಂದ ಸರಬರಾಜು ಆಗುವ ೩೩ ಕೆ.ವಿ ಬಂಡೆಮ್ಮ ದೇವಿ ಮಾರ್ಗದ ಮೇಲೆ ತುರ್ತು ಪಾಲನಾ ಕಾಮಗಾರಿಯನ್ನು ಕೈಗೊಳ್ಳುವುದರಿಂದ ಜುಲೈ 07 ರಂದು ಬೆಳಿಗ್ಗೆ 11 ಗಂಟೆಯಿಂದ 4 ಗಂಟೆಯವರೆಗೆ ಧಾರವಾಡದ ಗಾಂಧಿ ನಗರ, ವಿನಾಯಕ ಗಾರ್ಡನ್, ಮಯೂರ ಪಾರ್ಕ್, ಶಕ್ತಿ ನಗರ, ಚಿದಂಬರ ನಗರ, ಯಲ್ಲಮ್ಮ ಹೌಸಿಂಗ್ ಸೊಸೈಟಿ, ವಿದ್ಯಾಗಿರಿ ಸೇರಿದಂತೆ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ವಿದ್ಯುತ್ ವ್ಯತ್ಯಯವಾಗಲಿದೆ ಎಂದು ಹೆಸ್ಕಾಂ ತಿಳಿಸಿದೆ.