ଦେବଗଡ: ଜାମ୍ବୁନାଳୀ ଗ୍ରାମରୁ ‘ପରିଚୟ’ ଅନୁଷ୍ଠାନ ଦ୍ୱାରା ଅଚିହ୍ନା ମାନସିକ ବିକୃତ ବ୍ୟକ୍ତି ଉଦ୍ଧାର
Debagarh, Debagarh (Deogarh) | Nov 2, 2025
ତିଲେଇବଣି ବ୍ଲକ ଦୁଧିଆନାଳୀ ଗ୍ରାମ ପଂଚାୟତ ଅନ୍ତର୍ଗତ ଜାମ୍ବୁନାଳୀ ଗ୍ରାମରେ ଏକ ଭଙ୍ଗା କୁଡିଆରେ ରହୁଥିବା ଜଣେ ଅଚିହ୍ନା ମାନସିକ ବିକୃତ ବ୍ୟକ୍ତିଙ୍କୁ ଆଜି ଦିନ ପ୍ରାୟ ୪ ଟାରେ ସମ୍ବଲପୁର ‘ପରିଚୟ’ ଅନୁଷ୍ଠାନ ଦ୍ୱାରା ଉଦ୍ଧାର କରାଯାଇଛି । ଉଦ୍ଧାର ପରେ ତାଙ୍କୁ ପୁରୀ ଜିଲାର କଣାସ ସ୍ଥିତ ‘ନୀଳାଚଳ ସେବା ପ୍ରତିଷ୍ଠାନ’କୁ ହସ୍ତାନ୍ତର କରାଯାଇଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ ଉକ୍ତ ମାନସିକ ବିକୃତ ବ୍ୟକ୍ତି ଜଣକ ଦୀର୍ଘଦିନ ହେଲା ଦୁଧିଆନାଳୀ ଗ୍ରାମପଂଚାୟତ ସରପଂଚଙ୍କ ଗ୍ରାମ ଜାମ୍ବୁନାଳୀ ଗ୍ରାମରେ ଏକ ଭଙ୍ଗା କୁଡିଆରେ ଅସହାୟ ଓ ଅତ୍ୟନ୍ତ ଦୟନୀୟ ଅବସ୍ଥାରେ ରହୁଥିଲେ ।