વલસાડમાંથી ૫.૪૬ લાખના મુદ્દામાલ સાથે દારૂની હેરાફેરી કરતો એક આરોપી ઝડપાયો, બે વોન્ટેડ વલસાડ રૂરલ પોલીસે મુંબઈ-સુરત નેશનલ હાઇવે પરથી એક સફેદ કલરની બ્રેઝા કારમાંથી ભારતીય બનાવટનો વિદેશી દારૂ ઝડપી પાડ્યો છે. દમણથી લાવવામાં આવી રહેલા આ જથ્થા સાથે પોલીસે કાર ચાલકની ધરપકડ કરી છે, જ્યારે ઘટના સ્થળેથી ભાગી જનાર ક્લીનર અને દારૂ મંગાવનાર એમ અન્ય બે આરોપીઓ વોન્ટેડ જાહેર કરાયા છે. વલસાડ રૂરલ પોલીસ સ્ટેશનના સ્ટાફને પેટ્રોલિંગ દરમિયાન એક ખાનગી બાતમી મળી હતી કે, એક સફેદ કલરની મારૂતી બ્રેઝા કાર (જેનો નંબર GJ-02-DJ-4425 છે) દમણથી ઈંગ્લીશ દારૂનો જથ્થો ભરીને નેશનલ હાઇવે નંબર ૪૮ થઈને સુરત તરફ જઈ રહી છે. આ બાતમીના આધારે પોલીસે બે પંચોને સાથે રાખીને પારડી નેરા, ખોખરા ફળિયા નજીક, સુગર બ્રિજના છેડે વોચ ગોઠવી હતી. જ્યારે બાતમી વાળી કાર ત્યાં પહોંચી, ત્યારે પોલીસે ઈશારો કરીને તેને રોકવાનો પ્રયાસ કર્યો હતો. કાર ઉભી રહેતા જ, ક્લીનર સીટ પર બેસેલો ઈસમ નેશનલ હાઇવે ૪૮ �