ଉଦଳା: ଲଗାଣ ବର୍ଷାରେ କଲୋନୀ ସାହି ଗ୍ରାମରେ ଲୋକଙ୍କ ଘରେ ପଶିଲା ପାଣି; ଭାଙ୍ଗିଲା ଘର କାନ୍ଥ
ଉପରମୁଣ୍ଡରେ ଲଗାଣ ବର୍ଷା ଜାରି ରହିବା ସହିତ ବର୍ଷା ଲାଗି ରହିବା କାରଣରୁ ବିଭିନ୍ନ ନଦୀର ଜଳସ୍ତର ବୃଦ୍ଧି ପାଇଛି । ଏସବୁ ଭିତରେ ବିଭିନ୍ନ ଗ୍ରାମରେ ଲୋକଙ୍କ ଘରେ ପଶିଛି ପାଣି ତ ଆଉ କେଉଁଠି ଦବିଯାଇଛି ଘର । କପ୍ତିପଦା ବ୍ଲକର ଶାଳଚୁଆ ପଂଚାୟତ କଲୋନୀସାହି ଗ୍ରାମରେ ଲୋକଙ୍କ ଘରେ ପାଣି ପଶିଛି । ଗ୍ରାମରେ ଥିବା ଘର ଗୁଡିକ ମଧ୍ୟରୁ ପ୍ରାୟ ୯ ରୁ ୧୦ ଗୋଟି ଘର ଭିତରେ ପଶିଛି ପାଣି । ଘରେ ପାଣି ପଶିବା କାରଣରୁ ମାଟି ଘର ଦବିଛି ତ ଆଉ କେଉଁଠି ମାଟି ଘରର କାନ୍ଥ ବର୍ଷା ପାଣିରେ ଭୁଶୁଡି ପଡିଛି । ଆଜି ଅପରାହ୍ନ ୦୪ ଟା ସମୟରେ ପାଣି ପଶିଥିବା ସୂଚନା ମିଳିଛି