ଗୋମାତାଙ୍କୁ 'ରାଷ୍ଟ୍ରମାତା' ମାନ୍ୟତା ଦାବିରେ ବୌଦ୍ଧରେ ବିଶାଳ ଶୋଭାଯାତ୍ରା; ୩ ଲକ୍ଷରୁ ଊର୍ଦ୍ଧ୍ୱ ଦସ୍ତଖତ ସଂଗ୍ରହ ​ବୌଦ୍ଧ: ଗୋମାତାଙ୍କୁ ରାଷ୍ଟ୍ରମାତା ବା ରାଷ୍ଟ୍ରର ଆରାଧ୍ୟା ସମ୍ମାନ ଦେବା ପାଇଁ ସମଗ୍ର ଭାରତ ବର୍ଷରେ ଆରମ୍ଭ ହୋଇଥିବା ଅଭିଯାନ କ୍ରମରେ ବୌଦ୍ଧ ସହରରେ ଏକ ବିଶାଳ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି। ​ସୋମବାର ବୌଦ୍ଧ ସହରର ଶ୍ରୀରାମ ମନ୍ଦିରରେ ପ୍ରଦୀପ ପ୍ରଜ୍ଜ୍ୱଳନ ପରେ, ବ୍ରହ୍ମଚାରୀ ଆଦିତ୍ୟ ଦାସଙ୍କ ନେତୃତ୍ୱରେ ଜିଲ୍ଲାର ସାଧୁସନ୍ଥ ଓ ଗୋଭକ୍ତମାନେ ଏକତ୍ରିତ ହୋଇ ଗୋପୂଜନ କରିଥିଲେ। ଏହାପରେ ସହର ପରିକ୍ରମା କରି ଶୋଭାଯାତ୍ରାଟି ଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚିଥିଲା। ​ଗୋଭକ୍ତମାନଙ୍କ ଦ୍ୱାରା ଜିଲ୍ଲାରୁ ସଂଗୃହିତ ୩ ଲକ୍ଷରୁ ଊର୍ଦ୍ଧ୍ୱ ଦସ୍ତଖତ ସମ୍ବଳିତ ପୁସ୍ତିକା, ପେନ୍ ଡ୍ରାଇଭ୍ ଏବଂ ଏକ ଦାବିପତ୍ର ଅତିରିକ୍ତ ଜିଲ୍ଲାପାଳ ଅନିରୁଦ୍ଧ ପ୍ରଧାନଙ୍କ ଜରିଆରେ ମାନ୍ୟବର ରାଷ୍ଟ୍ରପତି, ପ୍ରଧାନମନ୍ତ୍ରୀ, ରାଜ୍ୟପାଳ ଓ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ପ୍ରଦାନ କରାଯାଇଛି। ଏହି କାର୍ଯ୍ୟକ୍ରମରେ ଜିଲ୍ଲାର ବହୁ ବିଶିଷ୍ଟ ସାଧୁସନ୍ଥ, ଗୋପାଳକ ଓ ଗୋପ୍ରେମୀ ଉପସ୍ଥିତ ଥିଲେ। ​#BoudhNews #Gomata #Rastramata #Goseva #OdishaNews #SocialAwareness